Cope se uitvoerende komitee het ’n memo, saamgestel deur nasionale komiteelid Simon Grindrod, bespreek.
Dié memo skets ’n prentjie van verdeeldheid oor leierskap en ontnugterde lede op grondvlak. Grindrod waarsku onder meer dat spanning tussen president Mosiuoa Lekota en eerste adjunkpresident Mbhazima Shilowa tot ’n ongesonde situasie lei waar strukture hul by een van die faksies moet skaar.
