Francina Jantjies, die ma van ‘n kind wat onlangs vermoor is, was een van duisende mense wat Sondag saam met gesinslede en die Mfuleni gemeenskap ‘n optog teen kindergeweld gehou het. Jantjies het probeer om ‘n houtkruis ter nagedagtenis van Nadine op te kap, maar haar emosies het haar oorweldig.
Sowat 1 000 gemeenskapsleiers en honderde kinders het deelgeneem aan die optog naby die veld waar die sewejarige Nadine onlangs dood gevind is.
