Die parlement se portefeuljekomitee vir kommunikasie het Vrydag aanbeveel dat die SAUK-raad ontbind moet word.
In ’n verslag wat by die parlement ingedien is, sê die komitee die SAUK kan nie langer sy statutêre pligte nakom nie.
Die komitee het ook bevind dat die huidige raad nie bevoeg genoegof in staat is om hierdie pligte na te kom nie. Die komitee se eenparige aanbeveling is dus dat die raad ontbind moet word.
