Die polisie ondersoek ‘n saak van roekelose en nalatige bestuur teen een van hul kollegas nadat ‘n polisieman met vyf motors gebots het in Greyville, Durban, Woensdag.
Die polisieman het gesê hy het reageer op ‘n rooftog ten tye van die voorval.
‘n Ooggetuie het gesien dat die polisievoertuig, wat in die verkeerde laan was, probeer het om ‘n motor verby te steek toe ‘n ander motor voor hulle ingedraai het en die motors gebots het en toe begin tol het. Niemand is ernstig beseer nie.
