Samewerkende Regeringsminister Sicelo Shiceka het in sy begrotingstoespraak gesê hy’s die “koordirigent” vir al die provinsies, insluitend die Wes-Kaap, op Helen Zille se uitspraak dat sy pogings om in haar provinsie in te meng, sal teëstaan.
“Ons soek ’n enkele venster vir koördinering en dit sal gebeur op provinsiale vlak by die LUR en op nasionale vlak by die koordirigent,” sê Shiceka. Zille sê sy het ’n dringende vergadering met president Zuma gevra om haar griewe hieroor te lug.
