Die twee mans verantwoordelik vir ’n misdaadvlaag in Ivory Park is tot lewenslange tronkstraf in die Tembisa Landdroshof gevonnis, aldus die polisie.
Sifiso Sikhakhane, 21, en Bongani Mdakane, 25, is op sewe aanklagte van huisbraak, verkragting en aanranding skuldig bevind.
Hulle het onder meer in een nag in 2006 ’n 40-jarige vrou aangerand en verkrag en by ’n ander huis die inwoners van geld beroof en twee vroue verkrag.
