Vyf van die sewe slagoffers wat in Dinsdag se Roadlink-busongeluk by Beaufort-Wes dood is, is geïdentifiseer, het die Wes-Kaapse polisie Vrydag gesê.
Drie van hulle was van Zimbabe, een van die Kongo en een van Lesotho. Van die liggame is reeds na hul tuisdorpe gestuur om begrawe te word. Twee ander slagoffers is nog nie geïdentifiseer nie. Vyftig mense is in die ongeluk beseer.
Die bus het buite beheer geraak op die N1 onderweg van Johannesburg na Kaapstad. Die busbestuurder en sy medebestuurder is nie beseer nie.
