Die bekende Suid-Afrikaanse kriminoloog, prof. Anna van der Hoven, 64, is herhaaldelik met ’n graaf oor die kop geslaan toe ’n tuinier haar by haar huis in Lyttelton aangeval het.
Die man was besig om ’n fonteintjie in Van der Hoven se tuin te bou. Hy het haar gewurg, haar probeer versmoor en haar bebloede gesig herhaaldelik met die vuis geslaan het. Toe sy haar bewussyn verloor, het hy haar skootrekenaar, handsak en kontant gesteel en weggehardloop.
Danksy haar bure se huishulp se vinnige optrede het die polisie hom egter gou daarna vasgetrek.
