Die vrou wat deur haar tuinier in Pretoria aangeval is, is ‘n gerespekteerde kriminoloog wat nou in ‘n ernstige toestand in die hospitaal is na die gewelddadige aanval.
Die Unisa-akademikus, Anna van der Hoven, 64, het vir haar tuinier tee gebring toe hy haar aangeval het. Hy het haar geslaan totdat sy haar bewussyn verloor het en haar toe probeer verwurg.
Van der Hoven, wat alleen bly by haar sekuriteitskompleks, is deur haar bure as baie goedhartig en saggeaard beskryf en hulle is almal geskok deur die voorval.
