Cosatu-hoof Zwelinzima Vavi het saam met 200 Cosatu-lede na die Madibeng-landdroshof in Brits opgeruk en geëis dat die hof die R7 000 borgtog wat aan ’n boer van Brits, Dawie Swart, 55, toegestaan is, teruggetrek word.
Swart het na bewering op die 26-jarige Nchocho Ntoagae en drie tieners geskiet ná hy die vier glo beskuldig het daarvan dat hulle lemoene op sy plaas gesteel het. Een tiener het ernstige oogskade opgedoen en die res is vir ligte beserings behandel.
