Die voormalige ANC woordvoerder, Carl Niehaus, het Donderdag gesmeek vir ‘n tweede kans, en wil graag sy foute van die verlede in ere herstel.
Dit was die eerste keer wat Niehaus in die openbaar gepraat het sedert hy in Februarie as woordvoerder bedank het. Volgens hom het hy intussen tyd gehad om na te dink oor sy foute, en is hy tans in rehabilitasie.
“Wanneer ek om vergiffenis vra, probeer ek nie verantwoordelikheid ontduik nie. Ek wil egter nie bekend staan as die persoon wat die verkeerde besluite geneem het nie, maar eerder as die persoon wat die regte besluit gemaak het, deur op die ouderdom van 19 by die ANC aan te sluit,” het Niehaus gesê.
