Die reeksverkragter Tsediso Letsoenya is Vrydag vyf keer lewenslank en met ’n bykomende 243 jaar tronkstraf gevonnis op aanklagte van verkragting, poging tot verkragting, onsedelike aanranding en roof met verswarende omstandighede.
Die 38-jarige bevare seeman het in die Kaapse Hooggeregshof voor regter Abe Motala en twee assessore verskyn.
Letsoenya sal eers na 25 jaar vir parool in aanmerking kom. Hy het twee jaar lank ’n skrikbewind op die Kaapse Vlakte en saans by swak verligte stasies gevoer.
