Die bekende kriminoloog, Irma Labuschagne, is Donderdag aan kanker oorlede.
Sy het gesterf in ‘n hospitaal in Pretoria op die ouderdom van 70. Sy was nog veronderstel om te getuig in die saak van die Skierlik-aanvaller, Morné Harmse, maar kon weens ‘n gebreekte been nie hof toe gaan nie.
Labuschagne, een van die land se mees bekende forensiese kriminoloë, het getuig in sake soos die Najwa Petersen en Mark Scott-Crossley verhore. Sy het die land se eerste verkragtingskrisis-sentrum gestig en was jare lank direkteur van die Pretoria Rape Crisis Centre.
