Honderde mynwerkers hou steeds sewe opsigters as gyselaar ondergronds by ‘n platinum- en chroommyn naby Brits.
Polisiewoordvoerder Lesego Metsi het gesê daar is aanvanklik gedink dat vier mense gevange gehou word, maar dat hulle later gehoor het dat daar agt mense was. Een het reggekry om te ontsnap.
Die polisie onderhandel met die sowat 400 mynwerkers wat dreig om ondergronds te bly met hul gyselaars totdat aan hul eise voldoen word.
