Die vermiste kop van ’n vrou wie se bolyf in ’n brandende tas in Sunnyside gekry is, is nog nie opgespoor nie, het die Pretoriase polisie Maandag gesê.
Die polisie het ook nog niemand in verband met die voorval gearresteer nie.
Die brandende tas met die bolyf in is Saterdagmiddag langs ’n stroom in Sunnyside ontdek. Dit was in ’n wit-en-oranje T-hemp geklee. Die slagoffer se afgekapte arms en bene is later in ’n asblik gevind. Dit was in plastiek toegedraai.
