Die minister van polisie, Nathi Mthethwa, het belowe dat ‘n nuwe nasionale polisiekommissaris aangestel gaan word teen die einde van die maand.
Hiermee het hy bevestig dat die huidige kommissaris, die omstrede Jackie Selebi, nie meer in die pos sal aanbly nie. Daar is nie duidelikheid oor of sy kontrak aan die begin of einde van die maand verstryk nie.
Mthethwa het gewaarsku dat onbekwaamheid in die polisie nie meer geduld sal word nie en dat daar hoër verwagtinge van bestuurslede in die polisie gaan wees.
