Die polisie en reddingswerkers sit Woensdag die soektog voort na ‘n man wat na bewering sy motor by ‘n krans afgery het tot in die see tussen Gordonsbaai en Rooi Els.
Die voorval het glo Saterdagaand plaasgevind.
Teen Woensdagoggend kon die polisie nog nie bevestig of die bestuurder van die motor Henk Fronneman, 36, van Somerset-Wes was nie. Hy is Saterdagaand as vermis aangegee.
