Daar is blykbaar onsekerheid oor wanneer die nasionale polisiekommissaris, Jackie Selebi, se kontrak verstryk.
Volgens die departement van veiligheid en sekuriteit, is dit om middernag Dinsdag, maar volgens presidensiële woordvoerders, is dit die einde van die maand.
Die DA het gevra dat duidelikheid oor die saak gekry word aangesien ‘n ekstra R100 000 van belastingbetalers gemors sal word op ‘n ekstra maand se salaris vir Selebi. Hy is tans steeds op spesiale verlof terwyl hy wag op sy verhoor vir korrupsie en dwarsboming van die gereg.
