Die nuwe wetgewing wat vereis dat mense wat ‘n nuwe SIM kaart vir ‘n selfoon koop al hul persoonlike inligting aan die verkoper moet verskaf, kry al klaar die wind van voor. Handelaars op straat en party kleinhandelaars verkoop nog steeds die sogenaamde starter packs vir so min as 99c sonder om enige inligting soos ‘n huisadres of ID dokument te vra.
Die woordvoerder van die justisie departement, Tlali Tlali, waarsku egter dat die “lang arm van die gereg” dié handelaars sal opskroef as hulle gevang word.
