ANC-hoofsweep Mathole Motshekga het erken die proses om ’n tussentydse SABC-raad aan te wys, was foutief en dat hulle onderneem om dit reg te stel.
Motshekga sê hulle was onder druk om te verseker dat hulle opgeleide persone vir die tussentydse raad verkies en sê die ANC het nie sy alliansievennote se voorstellings opsetlik geïgnoreer nie.
Daar word bespiegel dat Cosatu arbeidstransportleier Randall Howard op die raad wou hê en dat hulle ongelukkig is oor die voorsitterskap van sakevrou Irene Charnley en haar adjunk, Dr Phil Atimkulu van Unisa.
